முத்தம்

இரு உதடுகள் நடத்தும்
அடையாள வேலை நிறுத்தம்!..

உதடுகள் கூட்டி
ஆசைகள் பெறுக்கி
நேரம் கழித்து - இமைகள்
வகுத்து கூறும் வாய்ப்பாடு!..

இருக்க மூடி -
இருகக் கூடி -
தவமிருக்கும் பொழுதுகள்!..

வந்த இடம் உலராது..
சேரும் இடம் தெரியாது..
முகம் புதைக்க திசைத் தேடும்
வேர்கள் போல...

கொஞ்சம் கொஞ்சும் -
இரவுகள்..
கெஞ்சிய பின் மிஞ்சும் -
உதடுகள்..

மொத்தமும் நித்தமும்
சத்தமிடாமல் -
ம்ம்..